سنن نسائی ۔ جلد اول ۔ عیدین سے متعلقہ احادیث کی کتاب ۔ حدیث 1568

عید کے روز خطبہ دینا

راوی: محمد بن عثمان , بہز , شعبہ , زبید , شعبی

أَخْبَرَنَا مُحَمَّدُ بْنُ عُثْمَانَ قَالَ حَدَّثَنَا بَهْزٌ قَالَ حَدَّثَنَا شُعْبَةُ قَالَ أَخْبَرَنِي زُبَيْدٌ قَالَ سَمِعْتُ الشَّعْبِيَّ يَقُولُ حَدَّثَنَا الْبَرَائُ بْنُ عَازِبٍ عِنْدَ سَارِيَةٍ مِنْ سَوَارِي الْمَسْجِدِ قَالَ خَطَبَ النَّبِيُّ صَلَّی اللَّهُ عَلَيْهِ وَسَلَّمَ يَوْمَ النَّحْرِ فَقَالَ إِنَّ أَوَّلَ مَا نَبْدَأُ بِهِ فِي يَوْمِنَا هَذَا أَنْ نُصَلِّيَ ثُمَّ نَذْبَحَ فَمَنْ فَعَلَ ذَلِکَ فَقَدْ أَصَابَ سُنَّتَنَا وَمَنْ ذَبَحَ قَبْلَ ذَلِکَ فَإِنَّمَا هُوَ لَحْمٌ يُقَدِّمُهُ لِأَهْلِهِ فَذَبَحَ أَبُو بُرْدَةَ بْنُ دِينَارٍ فَقَالَ يَا رَسُولَ اللَّهِ عِنْدِي جَذَعَةٌ خَيْرٌ مِنْ مُسِنَّةٍ قَالَ اذْبَحْهَا وَلَنْ تُوفِيَ عَنْ أَحَدٍ بَعْدَکَ

محمد بن عثمان، بہز، شعبہ، زبید، شعبی رضی اللہ تعالیٰ عنہ کہتے ہیں کہ حضرت براء بن عازب رضی اللہ تعالیٰ عنہ نے مسجد کے ایک ستون کے قریب بیان کیا کہ رسول اللہ صلی اللہ علیہ وآلہ وسلم نے عیدالضحی کے موقع پر خطبہ ارشاد فرمایا تو فرمایا ہم آج کے دن کی ابتداء نماز سے کریں گے پھر قربانی کریں گے۔ جس نے اس طرح کیا اس نے ہماری سنت پر عمل کیا اور جس نے نماز سے پہلے قربانی کرلی اس نے اپنے گھر والوں کے لئے گوشت مہیا کیا۔ چنانچہ ابوبردہ بن نیار رضی اللہ تعالیٰ عنہ نے عرض کیا یا رسول اللہ صلی اللہ علیہ وآلہ وسلم میرے پاس ایک چھ ماہ کا دنبہ ہے جو ایک برس کے دنبے سے بھی (صحت میں) اچھا ہے۔ آپ صلی اللہ علیہ وآلہ وسلم نے فرمایا تم اسے ذبح کرلو لیکن تمہارے بعد یہ رعایت کسی کے لئے نہیں ہے۔

It was narrated from Ibn
[] See No.
[ ] See No.

یہ حدیث شیئر کریں