عورتوں کے لئے باریک کپڑے کی ممانعت
راوی:
وعن علقمة بن أبي علقمة عن أمه قالت : دخلت حفصة بنت عبد الرحمن على عائشة وعليها خمار رقيق فشقته عائشة وكستها خمارا كثيفا . رواه مالك
اور حضرت علقمہ بن علقمہ اپنے والد سے روایت کرتے ہیں کہ انہوں نے بیان کیا کہ ایک دن حضرت عبدالرحمن بن ابوبکر رضی اللہ تعالیٰ عنہ کی صاحبزادی حفصہ، حضرت عائشہ رضی اللہ تعالیٰ عنہا کے پاس اس حالت میں آئیں، کہ انہوں نے باریک اوڑھنی اوڑھ رکھی تھی۔ حضرت عائشہ رضی اللہ تعالیٰ عنہا نے وہ باریک اوڑھنی پھاڑ ڈالی اور ان کو ایک موٹی اوڑھنی اڑھا دی ۔" (مالک )
تشریح
حفصہ، حضرت عائشہ رضی اللہ تعالیٰ عنہا کی بھتیجی تھیں حضرت عائشہ رضی اللہ تعالیٰ عنہا نے جب ان کو باریک دوپٹہ اوڑھے ہوئے دیکھا تو خفا ہوئیں اور ان کو سبق دینے کے لئے ان کے اس باریک دوپٹے کے دو ٹکڑے کر ڈالے اور پھر اس کے بدلے ان کے سر پر ایک موٹا دوپٹہ ڈال دیا ۔