حضرت علقمہ بن رمثہ بلوی رضی اللہ عنہ کی حدیث
مسنگ
حضرت علقمہ بن رمثہ رضی اللہ عنہ سے مروی ہے کہ ایک مرتبہ نبی کریم صلی اللہ علیہ وسلم نے حضرت عمرو بن عاص رضی اللہ عنہ کو بحرین کی طرف بھیجا پھر خود ایک دستہ کے ساتھ روانہ ہوئے ہم بھی نبی کریم صلی اللہ علیہ وسلم کے ہمراہ روانہ ہوئے دوران سفر نبی کریم صلی اللہ علیہ وسلم کو اونگھ آئی پھر ہوشیار ہو کر فرمایا عمرو پر اللہ کی رحمت نازل ہو یہ سن کر ہم لوگ عمرو نامی تمام افراد کو ذہن میں لانے لگے کہ نبی کریم صلی اللہ علیہ وسلم کو دوبارہ اونگھ آئی پھر ہوشیار ہو کر فرمایا عمرو پر اللہ کی رحمت نازل ہو تین مرتبہ اسی طرح ہوا پھر ہم نے نبی کریم صلی اللہ علیہ وسلم سے پوچھا کہ یا رسول اللہ ! صلی اللہ علیہ وسلم یہ عمرو کون ہے ؟ فرمایا عمرو بن عاص، ہم نے پوچھا کہ انہیں کیا ہوا؟ نبی کریم صلی اللہ علیہ وسلم نے فرمایا میں جب بھی لوگوں کو صدقہ کی ترغیب دیتا تھا وہ اس میں بڑھ چڑھ کر حصہ لیتے تھے میں نے ان سے پوچھا کہ عمرو! یہ کہاں سے آیا؟ وہ جواب دیتے کہ اللہ کی طرف سے اور عمرو نے سچ کہا کیونکہ اللہ کے پاس خیر کثیر ہے۔