کنکریوں سے تسبیح کو شمار کرنا
راوی: داؤد بن امیہ , سفیان بن عیینہ , محمد بن عبدالرحمن کریب , عبداللہ بن عباس
حَدَّثَنَا دَاوُدُ بْنُ أُمَيَّةَ حَدَّثَنَا سُفْيَانُ بْنُ عُيَيْنَةَ عَنْ مُحَمَّدِ بْنِ عَبْدِ الرَّحْمَنِ مَوْلَی آلِ طَلْحَةَ عَنْ کُرَيْبٍ عَنْ ابْنِ عَبَّاسٍ قَالَ خَرَجَ رَسُولُ اللَّهِ صَلَّی اللَّهُ عَلَيْهِ وَسَلَّمَ مِنْ عِنْدِ جُوَيْرِيَةَ وَکَانَ اسْمُهَا بُرَّةَ فَحَوَّلَ اسْمَهَا فَخَرَجَ وَهِيَ فِي مُصَلَّاهَا وَرَجَعَ وَهِيَ فِي مُصَلَّاهَا فَقَالَ لَمْ تَزَالِي فِي مُصَلَّاکِ هَذَا قَالَتْ نَعَمْ قَالَ قَدْ قُلْتُ بَعْدَکِ أَرْبَعَ کَلِمَاتٍ ثَلَاثَ مَرَّاتٍ لَوْ وُزِنَتْ بِمَا قُلْتِ لَوَزَنَتْهُنَّ سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ کَلِمَاتِهِ
داؤد بن امیہ، سفیان بن عیینہ، محمد بن عبدالرحمن کریب، حضرت عبداللہ بن عباس رضی اللہ تعالیٰ عنہ سے روایت ہے کہ رسول صلی اللہ علیہ وآلہ وسلم (اپنی بی بی) حضرت جویریہ رضی اللہ تعالیٰ عنہا کے پاس سے نکلے (پہلے انکا نام برہ تھا بعد میں آپ صلی اللہ علیہ وآلہ وسلم نے تبدیل کر کے جویریہ رکھا) اس وقت وہ اپنے مصلے پر بیٹھی تھیں جب آپ صلی اللہ علیہ وآلہ وسلم واپس گھر تشریف لائے تب بھی وہ اسی جگہ بیٹھی ہوئی تھیں (اور تسبیح پڑھ رہی تھیں) آپ صلی اللہ علیہ وآلہ وسلم نے پوچھا کیا تم جب سے یہیں بیٹھی ہو؟ انہوں نے کہا ہاں آپ صلی اللہ علیہ وآلہ وسلم نے فرمایا میں نے تمہارے پاس سے جا کر چار کلمے تین بار کہے اگر وہ کلمے تمہاری تسبیح کے ساتھ تولے جائیں تو وہ کلمات بھاری قرار پائیں گے اور وہ کلمات یہ ہیں سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ کَلِمَاتِهِ۔